Баткенде 56 жаштагы киши сууга чөгүп каза болду. Бул тууралуу облустук милиция билдирди.
Маалыматка караганда, 2022-жылдын 28-июнь күнү Баткен районунун Ак-Турпак айылынын 56 жаштагы Г.М. «Кожошкен» дарыясына кеткен бойдон дайынсыз болгон.
«Артынан издеп барган шериктери дарыянын боюнда Г.Мдин чечип койгон кийимдери менен анын кол телефонун көрүп, милицияга кабар берген», — дейт облустук Ички иштер башкармалыгы.
Өзбекстан республикасынын Фергана облусунун Риштан районунун милициясы менен биргеликте 29-июнь күнү эрте менен саат 7лер чамасында 56 жаштагы Г.Мдин жансыз денеси «Кожошкен» дарыясынан табылып, соттук медициналык экспертиза дайындалган.
Бирок маркумдун туугандары соттук-медициналык экспертизадан баш тартышкан. Азыркы күндө тергөөгө чейинки текшерүү иштери жүрүп жатат.
