12:33
USD 87.86
EUR 93.94
RUB 1.00

Алмазбек Рахманкулов Лейлек районунун акими кызматынан четтетилди

Садыр Жапаровдун тапшырмасы менен министрлер кабинетинин төрагасы Акылбек Жапаров кол койгон тескемеге ылайык, Алмазбек Рахманкулов 2021-жылдын 28-ноябрына жаңы чакырылыштагы Жогорку Кеңешинин депутаттарын шайлоонун натыйжалары аныкталганга чейин Баткен облусунун Лейлек районунун акими ээлеген кызматынан четтетилди.

Лейлек районунун акиминин милдеттерин убактылуу аткаруу Абдирашит Ташбалтаевге жүктөлдү.

Президент администрациясынын президенттин жана министрлер кабинетинин чечимдерин даярдоо боюнча башкармалыгынын начальниги Эргешев Алтынбек Баткен облусундагы мамлекеттик органдардын жетекчилери менен кеңешме өткөрүп, анда Алмазбек Рахманкуловду четтетүү жөнүндө чечим окулду.

Мындан сырткары, Исфана шаарынын мэри Чыңгызбек Рысовго катуу сөгүш берүү тапшырмасы берилди.

Эске салсак, 23-октябрда Садыр Жапаровдун маалымат жыйынында акимдердин бирөөсүнүн Жогорку Кеңештин депутаттыгына талапкердин пайдасына үгүттөөгө катышкандыгы тууралуу маалымат айтылган.

Эң көп окулган жаңылыктар