Садыр Жапаров «Кыргыз Республикасынын Бузуулар жөнүндө кодексине өзгөртүүлөрдү киргизүү жөнүндө» Кыргыз Республикасынын мыйзамына кол койду.
Мыйзам 2021-жылдын 30-июнунда Жогорку Кеңеш тарабынан кабыл алынган.
Аталган мыйзам жол кыймылынын коопсуздугун камсыздоо жана автотранспортту жана электромобилдерди эксплуатациялоо чөйрөсүндөгү башкаруу тартибине каршы анча чоң эмес укук бузуулар үчүн айыптарды азайтууга, ошондой эле жөө жүрүүчүнүн, велосипедчендин, көлүк унаа башкаруучунун, мал айдоочулардын жол кыймылынын эрежелерин бузгандыгы үчүн эскертүү же 1-категориядагы айыппул түрүндөгү жазанын альтернативдүү түрүн белгилөөгө багытталган.
Мыйзамда төмөнкү учурларга айыппул төлөө каралган:
- Мотошлемдерди же коопсуздук курларын пайдалануу эрежелерин бузууда;
- Транспорт каражаттарынын айдоочуларынын кыймылдын белгиленген ылдамдыгынан 10 км/сааттан көп, бирок 20 км/сааттан көп эмес ашканда;
- Жол белгилеринин талаптарын аткарбоо, жолдун жүрүүчү бөлүгүндөгү чийиндердин талаптарын аткарбоо (каршы кыймылдын тилкесине чыгуу менен кууп өтүүнү же болбосо маневр жасоо эрежелерин бузууларды кошпогондо); токтоо же токтоп туруу эрежелерин бузуу; коопсуз дистанцияны, интервалды сактабоо же болбосо жолдун жүрүүчү бөлүгүндө транспорт каражаттарын жайгаштырууну бузуу же автомагистралдар боюнча жүрүү эрежелерин бузуу; светофордун тыюу салуучу сигналы же жөнгө салуучунун тыюу салуучу жаңсоосу болгондо жол белгилери же жолдун жүрүүчү бөлүгүнүн чийиндери менен белгиленген стоп-линиянын алдында токтоо жөнүндө Жол кыймылынын эрежелеринин талаптарын аткарбоо; каршы кыймыл тилкесине чыкпай туруп кууп өтүү же маневр жасоо эрежелерин бузуу; тышкы жарык берүүчү приборлорду же болбосо эскертүүчү сигналдарды пайдалануу эрежелерин бузууда (бардык механикалык транспорт каражаттарына сутканын жарык убагында калктуу конуштардан тышкары жерлерде фаранын жандырылган жакын жарыгы менен жүрүү талаптарын кошпогондо) айып салуу жөнүндө токтомду алган күндөн тартып отуз календардык күндүн ичинде айыптын өлчөмү 70 пайызга азаят.
Ошентип, мындай учурларда айыптын өлчөмү 300 сомду түзөт.
Ошол эле учурда мыйзам менен, кабыл алынган мыйзам күчүнө киргенге чейин төлөнбөгөн жогоруда көрсөтүлгөн укук бузуулар үчүн айыптар (мотошлемдерди же коопсуздук курларын пайдалануу эрежелерин бузууну кошпогондо), туумдарды жокко чыгаруу жана жеңилдетилген мезгилди калыбына келтирүү менен жогорудагы мыйзамдын ченемдерине ылайык төлөнөрү белгиленген.
