Токиодо жайкы Олимпиада оюндарынын алкагындагы алгачкы мелдештер софтбол менен башталды. Шаршембиде Австралиянын жана Жапониянын аялдар командалары Фукусима стадионунда күч сынашты, деп жазат «Азаттык».
Олимпиаданын расмий ачылышы 23-июлда болот. Адатта беттештер расмий ачылышка чейин эле старт алат.
Софтбол — бейсболдун жеңилирээк түрү. Олимпиада программасына 1996-жылы кирген. Быйыл Австралия, Канада, Италия, Мексика, АКШ жана Жапония курамалары биринчилик үчүн таймашышат.
Софтбол 2024-жылы Парижде өтө турган жайкы Олимпиадага киргизилген эмес.
