Токмокто өгөй атасы эки жыл бою өспүрүм кызды зордуктап жүргөн. Бул тууралуу 24.kg агенттигине жактоочу Шердор Абдыкапаров билдирди.
Юристке кыздын чоң апасы кайрылган. Анын айтымында, өгөй атасы кызды узак убакыт зордуктап келген.
«Бул боюнча кыздын апасы билген. Бирок, унчуккан эмес. Кыз чоң апасы менен эжесине айтып берген. Ошондо гана анын жакындары милиция чакырышат. Бирок, иш андан ары жылган эмес. Кызды психбольницага өткөрүп беришкен. Ал азыр ошол жакта», — дейт юрист.
