«Коопсуз шаар» долбоорунун алкагында топтолгон айып пулдар Тез жардам кызматына автоунааларды сатып алууга жумшалат. Бул тууралуу өкмөттүн аппаратынын басма сөз кызматы билдирди.
Анын айтымында, Кубатбек Боронов Милдеттүү медициналык камсыздандыруу фондуна «Коопсуз шаар» долбоорунун алкагында топтолгон 145 миллион сомго тез жардам унааларын сатып алууга документтерди тез арада даярдоону тапшырды.
Саламаттыкты сактоо министрлиги тиешелүү даярдык иштерин баштады.
Жол кыймылынын эрежелерин бузган айдоочулардан жыйналган акчаларды туура жана натыйжалуу пайдаланууга өзгөчө көңүл бурулат.
