Коронавирустун белгилерин тактоо иретинде онлайн-тест иштелип чыкты. Бул тууралуу Байланыш жана маалыматтык технология комитети билдирет.
Hi Doctor — бул өз саламаттыгын текшерүүчү маалыматтык сервис. Сайт медицинанын акыркы жетишкендиктери боюнча дагы маалымдап турат.
«Тест аркылуу COVID-19 илдетинин симптомдорун текшерип, өз алдынча аныктап алууга болот. Бул биздин саламаттыкты сактоо тармагындагы адистердин түйшүгүн жеңилдетүүгө жардам берет. Тестти балдарга колдонууга болбойт. Эгер сизде балаңыз илдетти жуктуруп алгандыгы боюнча күмөн болсо анда 118 номуруна чалыңыз», — дейт мекеме.
Белгилей кетсек, Кыргызстанда коронавирусту жуктурган 16 адам аныкталды. 25-марттан тарта өлкөдө өзгөчө абал киргизилет.
