«Электрондук нотариус» маалыматтык системасын ишке киргизүү башталды. Бул тууралуу өкмөттүн аппаратынан билдиришти.
Маалыматка ылайык, «Электрондук нотариус» — иштин ачыктыгын арттырууга, коррупциялык көрүнүштөрдү жоюуга, нотариустардын жүктөмүн азайтууга, алардын ишинин сапатын жогорулатууга, адамдык фактордун таасирин четтетүүгө багытталган.
Электрондук нотариус модели нотариустардын ишинин натыйжалуулугун жогорулатууга багытталган.
Кошумчалай кетсек, аны толук кандуу киргизүү үчүн Юстиция министрлигине 7,3 миллион сом бөлүнгөн. 20-сентябрдан 20-октябрга чейин Бишкек шаарында тесттик режимде ишке киргизилген. Учурда толук кандуу жана комплекстүү иштөөсү үчүн системаны тууралоо жүрүп жатат.
