ӨКМнын куткаруучулары малчыларды Суусамыр айылына мал жандыктары менен аман-эсен түшүрүштү. Бул тууралуу ӨКМ билдирди.
Маалыматка ылайык, калың жааган кардан улам Суусамыр айылынын Сандык жайлоосунда койчулар мал-жандыктары менен калып калышкан. Чабандарды көчүрүп келүү максатында куткаруучу топ тартылып, малчыларды Суусамыр айылына мал жандыктары менен аман-эсен түшүрүшкөн.
Куткаруучулар учурда туруктуу жайгашкан ордуларына кайтышууда.
