Бишкектин жолдорунда 3 ай аралыгында жол кырсыгынан каза болгондордун саны 6,5 пайызга кыскарды. Бул тууралуу «Өнүгүү-Прогресс» фракциясынын отурумунда Жол кыймылынын коопсуздугун камсыздоо башкы башкармалыгынын башчысы Иманалы Саркулов билдирди.
Айтымында, 4-марттан 23-майга чейин жол кырсыктарынын саны баш калаада 1,5 пайызга кыскарган. Ал эми өлүмдүн саны былтыркыга салыштырмалуу 6,5 пайызга кыскарган.
Чүй облусунда жол кырсыктарынын саны 2,1 пайызга, каза болгондордун саны 33,5 пайызга азайган.
Бишкекте камера орнотулган аймактарда жол кырсыктарынын саны 60-70 пайызга кыскарган.
