6-июндан тарта Ташкент-Балыкчы каттамы боюнча жүргүнчүлөрдү ташуучу поезд жүрө баштайт. Бул тууралуу «НК «Кыргыз темир жолу» ишканасынан билдиришти.
Маалыматка караганда, поезд жумасына бир жолу, бейшемби сайын Ташкенттен, ар ишемби Балыкчыдан каттап турат.
Жол кире плацкарталык вагондо 1 миң 946 сом, купеде 2 миң 461 сом, люкс-вагондо 4 миң 602 сомдон өйдө турат. Ичинде вагон-ресторан бар.
