Кыргызстанда былтыр бак-дарактарды мыйзамсыз кыюу боюнча 607 факты катталган. Бул тууралуу маалымат жыйында Курчап турган айлана чөйрөнү коргоо жана токой чарба агенттигинин токой экосистемасын өнүктүрүү департаментинин директору Нурлан Жумаев билдирди.
Айтымында, келтирилген чыгым 6 миллион сомду түздү. Анын жарым суммасы кайтырылып берилди.
«2017-жылга салыштырмалуу бак-дарактарды мыйзамсыз кыюу фактысы 200 учурга аз катталган», — деди Нурлан Жумаев.
