Ош—Сары-Таш—Эркеч-Там унаа жолунун 18-чакырымында жол кырсыктан 2 киши набыт болду. Бул тууралуу Ош облусу боюнча жол кыймылынын коопсуздугун камсыздоо башкармалыгынан билдиришти.
Маалыматка караганда, Алай районунун тургунунун башкаруусунд «ВАЗ-2107» унаасы жолдун четиндеги даракты сүзүп токтогон. Кырсыктын кесепетинен айдоочу жана унаанын жүргүнчүсү каза болгон.
Кара-Суу РИИБ тарабынан тиешелүү экспертизалар дайындалып, тергөө иштери жүрүүдө.
