Кечээ Бишкектеги Сүйөркулов көчөсүнүн № 33 дарегинде жайгашкан көп кабаттуу турак үйдүн 2- кабатында батирден чыккан өрт саат 23:57де толук өчүрүлгөн. Бул тууралуу ӨКМнын басма сөз кызматы билдирди.
Маалыматка караганда, кечээ ӨКМнын куткаруу бөлүмүнө өрт тууралуу билдирүү келген.
Болжолдуу түрдө батирдин 45 чарчы аянты жана үй-тиричилик буюмдары күйгөн. Өрттүн келип чыгуу себеби такталууда.
