Ичимдиктерде ичкичтерди үркүткөн сүрөттөр пайда болот. Бул боюнча мыйзам долбоор иштелип чыгып, коомдук талкууга коюлду.
Долбоорго ылайык курамынын 28 пайызын этил спирти түзгөн ичимдиктердин этикетикасынын 40 пайызында Саламаттыкты сактоо министрлигинин эскертүүсү жайгаштырылышы керек.
Эскертүү кара тамга менен ак фонго жазылышы шарт.
Саламатыкты сактоо министрлигинин маалыматында, наркологиялык кызматка жылына 9 миң киши ичимдиктен ууланып түшөт. Аракечтердин көпчүлүгү түндүк аймагында, 60 пайызы Бишкек шаарында жашайт.
