03:12
USD 69.74
EUR 79.24
RUB 1.05

Улуттук банк өркүндөтүлгөн банкноталарды жүгүртүүгө чыгарат

Улуттук банк 20-декабрдан тартып өлкө аймагында улуттук валютанын IV сериясындагы 2016-жылдагы үлгүдөгү 20 жана 5000 сом номиналындагы өркүндөтүлгөн банкноталары жүгүртүүгө чыгарыла тургандыгын билдирет. Бул тууралуу Улуттук банктын басма сөз кызматы билдирди. 

2016-жылдагы үлгүдөгү 20 жана 5000 сом номиналындагы банкноталар улуттук валютанын IV сериясындагы өркүндөтүлгөн банкноттордун пландуу жаңыртуусун аяктайт.

IV сериясындагы 2016-жылдагы үлгүдөгү 20 жана 5000 сом номиналындагы өркүндөтүлгөн банкноталар төмөнкүлөрдү камтыйт:

· Классикалык ыкма менен даярдалган, даана так көрүнгөн портрет.

· MASK-элементи. Жарыкка салып кароодо «сом» деген сөз көрүнөт (5000 сом банкнотунда гана).

· Чыгарылган жылы: 2016.

Улуттук валютанын IV сериясындагы өркүндөтүлгөн банкноттору Кыргыз Республикасынын улуттук валютасынын жүгүртүүгө мурда чыгарылган 1, 10, 50 тыйын, 1, 5, 10, 20, 50, 100, 200, 500, 1000 жана 5000 сом номиналындагы банкноттор менен чогуу жүгүртүүдө болот. 

Улуттук валютанын бардык банкноттору Кыргыз Республикасынын аймагында расмий төлөм каражаты статусуна ээ жана чыгырылган жылына көз карандысыз төлөм каражаты катары милдеттүү түрдө кабыл алынууга тийиш.

Эң көп окулган жаңылыктар