Кыргыз мамлекеттик циркинде балдар үчүн курстар жабылып, анын ордуна кафе ачылган. Бул тууралуу экономика жана фискалдык саясат боюнча комитеттин отурумунда депутат Эльвира Сурабалдиева билдирди.
Айтымында, аз камсыз болгон үй-бүлөлөрдүн балдарынын ата-энелери ага расмий кат менен кайрылышкан. Алар цирктин алдында цирк искусствосу боюнча курс ачылганын, бирок көп өтпөй ал жабылып ордуна кафе ачылганын айтышкан.
«Мен Башкы прокуратурага кайрылам. Бул эмне дегендик? Биз балдарды окутабызбы же кафе, ресторан, түнкү клуб ачабызбы? Абийир деген нерсе барбы?», -деп нааразы болду депутат.
