Жогорку Кеңештин депутаты Закир Шарапов парламенттик отурумда саатты күзүндө бир саат артка, жазында алдыга жылдырууну сунуштап чыкты. Айтымында, кышкысын айрыкча жаш балдарга кыйын болууда.

«Балдардын маанайы пас, кежирленип башташат. Эртең менен эрте турга албайт. Айрым мектептер 3 смен менен иштейт, сабактар 7 жарымда башталат. Окуучулардын уйкусу канбай, сабакка даяр эмес. Айдоочуларга да кыйын болду, жол кырсыктарынын себебинин бири ушул», -деди депутат.

Ал сунушун Илимдер академиясына жолдоду.

Эске салсак, 2005-жылга чейин Кыргызстан сезон менен саатты алдыга жана артка жылдырып келген.