Мурдакы президент Алмазбек Атамбаев Кыргызстан-социал демократтар партиясынын төрагасы болуп дайындалды. Саясый уюмдун курултайын өткөн ишемби күнү өттү.
Алмазбек Атамбаев партияны 2020-жылы Жогорку Кеңешке өтө турган жыйынга даярдарын билдирди. Ошол эле учурда парламентке мөөнөтүнөн эрте шайлоо өтүшү ыктымалдыгын жокко чыгарган жок.
«Бизге эрте шайлоонун зарылдыгы жок. Бирок, Кыргызстанда баары мүмкүн» — деди партия лидери.
Ал КСДП Кытайдан 1 миллион доллар акча алгандыгын жокко чыгарды.
«Мен Кытайдан акча сурасам, аны бир гана мамлекет үчүн сурап келгенмин» — деди Алмазбек Атамбаев.
Мурдакы мамлекет башчысынын айтымында, ал азырынча мамлекеттик резиденциядагы жаңы курулган үйүндө жашап жатат.
«Менин жубайым Ош шаарынан болот. Ал шаарда жашагысы келет. Негизи Кой-Таштагы үйүм бүтсө, ошол жакта эле жашайын дегенмин. Мамлекеттик резиденциядагы үй менин мамлекетке белегим» — деди ал.
Эскерте кетсек, мамлекеттик резиденциянын аймагына Алмазбек Атамбаев үчүн үй салынгандыгы белгилүү болду. Ага кеткен акчанын бир топ бөлүгүн мурдакы президент өз чөнтөгүнөн чыгарган.
