Ренат Самудинов жана Элнура Молдокадырованын АКШда убактылуу кармалуучу жайда экендигин Тышкы иштер министрлиги ырастады.
Алардын маалыматында, Ренат Самудинов менен Элнура Молдокадырова 18-октябрда кармалышкан. АКШнын Иммиграциялык кызматы кыргыз жарандарында өлкөгө кирүүгө визасы жок болгондугун жана саясый башпаанек сурашканын билдирди.
Учурда алар убактылуу кармалуучу жайда жана Кыргызстандын элчиги менен байланышкан эмес.
Эскерте кетсек, Ренат Самудинов жайында президенттикке талапкерди көрсөтүүдө праймериз өткөрүү сунушунан кийин КСДП партиясынан чыгарылган.
