Президенттик кызматка ат салышкандардын биринчи теледебаты өттү. Коомдук теле-радио корпарациясындагы түз эфирге Адахан Мадумаров менен Азимбек Бекназаров катышты.
Шайлоочулардын суроосуна жооп берип жатып, талапкер Адахан Мадумаров бир да телеканалдын эфирине чыкпай жатканынын себебин түшүндүрдү.
«Телеканалдардын эфир баасы өтө кымбат. Андыктан биз реклама бере албай жатабыз» — деди Адахан Мадумаров. Бирок, шайлоочулар менен жолугушууларды жүргүзүп жатканын билдирди.
Адахан Мадумаровдун айтымында, ал мыйзам менен тартипти биринчи орунга коет. Андыктан, көптөр анын бийликке келишинет коркот.
«Мадумаров бийликке келсе, ар бир мыйзам аткарылат. Мына ушундан улам, менден коркондор бар» — деди талапкер.
Ал эми Азимбек Бекназаров кен байлыктарды коргоо жана анын элдин пайдасына иштетүү жаатында кескин чараларды кабыл алат.
«Кен байлыктарды иштеткен сырттан келген инвестор кеминде 60 пайыз кирешесин Кыргызстанга калтырышы керек» — деди Азимбек Бекназаров.
