26-июндан баштап «Асман Эйрлайнс» авиакомпаниясы Ош — Тамчы — Ош багыты боюнча туруктуу каттамдарын кайрадан баштайт.
Маалыматка ылайык, каттамдар жумасына үч жолу аткарылат:
- Дүйшөмбү
- Шаршемби
- Жума
Учуулар күндүн биринчи жарымына пландаштырылган, бул жүргүнчүлөргө Ысык-Көлдүн жээгиндеги эс алуу убактысын мүмкүн болушунча натыйжалуу пайдаланууга шарт түзөт.
Фото «Асман Эйрлайнс»
Билеттердин баасы жана сатып алуу шарттары:
Бир тарапка авиабилеттин баасы — 6 миң 500 сом.
Көрсөтүлгөн тариф боюнча билеттерди бир гана Asman Airlines авиакомпаниясынын расмий сайтынан жана мобилдик тиркемесинен сатып алууга болот.
«Асман Эйрлайнс» компаниясы бул багыт боюнча каттамдардын жанданышы түштүк аймактын тургундарына Ысык-Көлдүн жээгине тез жана ыңгайлуу жетүүгө сонун мүмкүнчүлүк түзөрүн белгиледи.
