Өзгөчө кырдаалдар министрлиги Бишкек шаары жана Чүй облусу үчүн шашылыш билдирүү таратты.
Синоптиктердин маалыматы боюнча, жакынкы үч саатта жана 9-июнь күнү кечинде борбор калаада жана Чүй өрөөнүндө күн күркүрөп, батыштан соккон шамалдын ылдамдыгы секундасына 15–20 метрге чейин күчөшү күтүлөт.
Тургундарга коопсуздук чараларын сактоо, жарнамалык конструкциялардын, бак-дарактардын жана туруксуз объектилердин жанында турбоо, ал эми айдоочуларга жолдордо өзгөчө кунт коюп жүрүү сунушталат.
Өзгөчө кырдаалдар жаралган учурда жарандардан куткаруу кызматтарына кабарлоо суранылат.
