Сел Бөкөнбаев айылында жолду жууп кетти: унаа кыймылы убактылуу токтотулду
11:29, 09 июля 2025, Бишкек - 24.kg
Ысык-Көл облусунун Тоң районундагы Бөкөнбаев айылындагы нөшөрлөп жааган жаандын кесепетинен айыл ичиндеги жолдун бир бөлүгүн сел жууп кетти. Бул тууралуу видеону социалдык тармактарга тараткан күбөлөр билдиришти.
Видеодо кир суунун агымы жолду толугу менен каптап, жол кыймылын мүмкүн болбой калганын көрүүгө болот. Жергиликтүү тургундардын айтымында, жол бир нече калктуу пункттарды бириктирип, аймак үчүн маанилүү транспорттук артерия болуп саналат.
Алдын ала маалыматтарга караганда, өзгөчө кырдаалдын келип чыгышына тоолуу аймакта жамгырдан кийин түшкөн катуу сел себеп болгон.
Унаа кыймылы убактылуу токтотулуп, келтирилген зыян такталып, калыбына келтирүү иштери жүрүп жатат.
