Кербен шаарындагы «Караван» аэропорту атын өзгөрттү. Бул тууралуу «Кыргызстандын аэропорттору» ААКнын басма сөз кызматы билдирди.
Маалыматка ылайык, мындай чечимди акционердик коомдун башкармалыгы кабыл алган.
«Аэропорт азыр Кербен аэропорту деп аталат», — деп айтылат маалыматта.
Эске сала кетсек, 2024-жылы аба майданды калыбына келтирүүгө 36 миллион сом бөлүнгөн. Бул каражатка аэропорттун учуп-конуу тилкеси узартылып, 1972-жылы пайдаланууга берилген учуу тилкеси толугу менен жаңыланган.
