Ийгиликтүү стратегиялар: Ozon’дун мыкты сатуучуларынын тажрыйбасын өздөштүрүңүз

Атаандаштардын ийгиликтүү кейстери менен таанышуу — бул куру кызыгуу эмес, бул өз бизнесиңизди өнүктүрүүнүн кубаттуу аспабы. Лидерлердин стратегияларын талдоо кайсы чечимдер чындап иштээрин, кандай каталардан оолак болуш керектигин жана товарларды сатуунун жогорку деңгээлине кантип тезирээк чыкса болорун түшүнүүгө жардам берет. Эмнеге көңүл буруу керектигин жана ийгиликтүү практикаларды өз милдеттериңизге кантип ыңгайлаштыра аларыңызды карап көрөлү.

Маркетплейстер барган сайын кеңири таанылып, ал эми ошол жактардагы атаандаштык күч алууда. Ozon’до жигердүү кардарлардын саны 56,5 миллиондон ашат жана бул сан улам өсүүдө.

Платформа өнөктөштөргө даяр инфраструктураны — маркетингди, логистиканы, төлөм чечимдерин сунуштай алат. Бирок, сатуучу бул аспаптарды туура колдонуп, өзүнүн стратегиясын иштеп чыгууга тийиш. Процессти тездетүүнүн мыкты ыкмасы — ийгиликке жете алган атаандаштардын кейстери менен таанышып чыгып, алардын тажрыйбасын өз бизнесиңизде колдонуу.

Атаандаштарды талдоодо эмнелерге көңүл буруш керек?

Кайсы товарлар баарынан жакшы сатылат? Кайсы категорияларда атаандаштык жогору, ал эми кайсы чөйрөлөр бааланбай калууда?

Ozon’до сатуучуларга ар кайсы региондордогу суроо-талапты изилдөөгө, акциялардын натыйжалуулугун талдоого жана өз стратегиясын атаандаштары менен салыштырууга мүмкүндүк берген аналитикалык аспаптар бар. Бул маалыматтар ассортиментке кандай товарларды кошуш керектигин, кандай сезондук тренддерди эске алса болорун жана атаандаштыкка жөндөмдүү бааны кантип бычыш керектигин түшүнүүгө жардам берет.

Визуалдык кабылдоо онлайн соодада өзөктүк ролду ойнойт. Сапаттуу сүрөттөр, толук сүрөттөмөлөр, өлчөмдөрдүн таблицалары, видео презентациялар — мунун баары кардарлардын ишенимин арттырып, конверсияны жогорулатат.

Атаандаштарды талдоодо көңүлдү төмөнкүлөргө буруш керек:

• сүрөттүн сапатына;

• сүрөттөмөлөрдүн деталдарына жана негизги мүнөздөмөлөрдүн бар болгонуна;

• видео серептерди жана кошумча материалдарды колдонууга;

• кайтарым байланыш жана пикирлер менен иштөөгө.

Жакшы даярдалган карточка сооданы кызыткандан тышкары, маркетплейсте издөөдө товарлардын рейтингин жогорулатат.

Көбүрөөк кардарды тартуунун бир ыкмасы — промо акцияларды туура колдоно билүү. Ийгиликтүү сатуучулар Ozon’дун сезондук сатып түгөтүү акцияларына жигердүү катышып турушат.

Атаандаштарда эмнелерди талдап чыкса болот:

• Алар канчалык көп арзандатууларды жасашат жана канчалык көп пайызга?

• Сатууларды көбөйтүү үчүн кайсы сунуштар кыйла натыйжалуу болот?

Пикирлер — сатып алуучунун тандоосуна таасирин тийгизген негизги факторлордун бири. Ошол себептен оң баа алуу гана эмес, терс пикирлер менен да сабаттуу иштөө маанилүү.

Төмөнкүлөргө көңүл буруңуз:

• атаандаштар кардарлардын суроолоруна кантип жооп бергенине;

• нааразы кардарлар менен көйгөйлөрдү кантип чечкенине;

• брендге болгон ишенимди жогорулатуу үчүн пикирлерди кантип колдоноруна.

Пикирлерге жооп кайтарып, пайда болгон маселелерди ыкчам чечүү менен сатуучу кардарлардын ишенимдүүлүгүн жогорулатып, маркетплейстеги рейтингинде өз позициясын жакшырта алат.

Ийгиликтүү стратегияларды бизнесиңизге кантип ыңгайлаштыра аласыз?

Башкалардын чечимдерин жөн эле көчүрүп алуу сейрек учурда гана жыйынтык берерин түшүнүү маанилүү. Сиздин милдетиңиз — ийгиликтүү практикаларды аудиторияңызга жана бизнесиңиздин өзгөчөлүгүнө ыңгайлаштыруу. Мисалы, эгерде атаандаштар инфлюенсерлерди ийгиликтүү колдонуп жатса, мындай ыкмалар сиздин товарларыңызга жана аудиторияңызга туура келеби же жокпу деп ойлонуп көрүңүз. Эгерде сиз багыт алган чөйрө тар болсо, анда сапаттуу контентке жана ар бир кардарга жекече мамиле жасоого көңүл бурганыңыз туура болот.

Талдоо үчүн маалыматты кайдан табууга болот?

Тренддерди жана мыкты практикаларды туруктуу негизде көрүп туруу үчүн төмөнкүлөрдү колдонуңуз:

• Ozon’дун аналитикалык аспаптарын — алар суроо-талапты, атаандаштыкты жана сатуулардын динамикасын баалоого жардам берет.

• Ozon’дун билим базасын — дүкөндү таанытып, башкаруу боюнча сунуштамалардын баары ушул жерде топтолгон.

• Ozon окутуусун — маркетплейстин эксперттеринин акысыз курстарын жана вебинарларын.

• Социалдык тармактарды жана атаандаштардын сайттарын — эмне үчүн кээ бир сатуучулар башкаларга караганда ийгиликтүү болгонун билүү үчүн алардын маркетинг стратегиясын талдап чыгыңыз.

Атаандаштарды талдоо — бул жөн эле болгонун болгондой көчүрүп алуу дегенди билдирбейт. Бул өз стратегияңызды иштеп чыгуунун аспабы. Рыноктогу лидерлердин тажрыйбасын колдонуп, алардын ийгиликтүү тажрыйбаларын ыңгайлаштырыңыз, бирок ар дайым бизнесиңиздин өзгөчөлүктөрүн эске алыңыз. Ал эми процессти дагы да натыйжалуу кылгыңыз келсе, анда Ozon’дун аналитикасын жана аспаптарын колдонуңуз, алар дүкөнүңүздү жаңы деңгээлге чыгарууга жардам берет. Ийгиликтүү бизнеске биринчи кадамды жасоо оңой эле — бул үчүн Ozon.Seller сайтына катталуу жетиштүү болот.