«Бишкек шаардык транспорт» муниципалдык ишканасына штаттык психолог жумушка алды. Бул тууралуу 24.kg басылмасына борбор калаанын мэриясынан билдиришти.
Маалыматка ылайык, мэр Айбек Жунушалиевдин тапшырмасынын алкагында адис 2025-жылдын январь айынан бери айдоочулар менен үзгүлтүксүз иш алып барууда.
Эске салсак, буга чейин ал автобус айдоочуларынын психикалык саламаттыгы ай сайын текшерилип турушу керектигин билдирген.
«Биз Жазык-процессуалдык кодекске жол кырсыгына кабылган коомдук транспорттун айдоочуларынын жоопкерчилиги боюнча өзгөртүүлөрдү киргизели деп жатабыз. Психологиялык тесттер үчүн компьютердик кабинеттерди даярдадык. Мындан тышкары, автобустарды башкарууну көрсөткөн төрт симулятор бар. Эми айдоочулар жылына эки жолу психологиялык тесттен өтүшөт. «Мен бул тесттерди ай сайын өткөрүүнү сунуштадым», — деп белгиледи муниципалитеттин башчысы.
