Эң жомоктогудай майрамга — жаңы жылга саналуу күндөр калды. Демек, жакын адамдар жана достор үчүн белек издей баштоого да убакыт келди. Бул жооптуу жана татаал процесс, себеби адамды чындап кубандыра турган жана майрамды эсте каларлык кылууга жардам берчү белекти табуу маанилүү. Ал эми сизди туура тандоо жасасын деп, Ozon маркетплейси менен бирге гайд даярдап койдук.
Белекти тандоо оңой иш эмес. Айрыкча өтө көп жакын эмес тааныштар жөнүндө сөз болгондо, «адамды кандай белек менен кубандырсам?» деген суроо жаралат. Идеялардын тизмесин түзүү үчүн гид менен бир пункттан экинчисине өтүүнү сунуштайбыз.
Биринчи кезекте жакын адамдарыңыздын ышкысына көңүл буруңуз. Эгерде адамдын сүйүктүү иши бар болсо, анда ошол ишке тиешелүү аксессуарларды, шаймандарды же материалдарды тартуулап, дайыма аны кубандыра аласыз. Мындай белек майрам учурунда гана кубаныч алып келбестен, кийин да сизди эске салып турат. Алсак, багбанга сейрек же коллекциялык үрөндөрдү, ашпозго экзотикалык жыпар жыттуу татымалдарды, ал эми кол өнөрчүгө чыгармачылык үчүн товарларды тартууласаңыз болот.
Эгерде адамдын хоббиси жок болсо, бирок анын керектөөлөрүнөн кабарыңыз бар болсо, анда күнүмдүк жашоодо пайдасы тие турган белекти бергениңиз туура болот. Алсак, ата-энеңизге тиричилик техникасы, жолдошуңузга оюн клавиатурасын же чычканды, курбуңузга үй үчүн текстилди же үйдө кийип жүрчү ыңгайлуу жана кооз кийимдерди белек катары тандап алыңыз. Ошол эле маалда белек күтүүсүз сюрприз болушун кааласаңыз, анда түз суроолорду узатпастан, адамдын каалоолорун билүүгө аракет кылыңыз: жакшылап байкап көрүңүз же анын жакын чөйрөсүндөгү башка адамдарга кайрылып, кеңеш сураңыз.
Эгерде дал ушул тапта адамдын айкын бир каалоолору жок экени белгилүү болсо, андан ары маалымат алганга аракет кылабыз. Балким, ал жумушта абдан чарчап келет же үй тиричилигинен чыкпай, эс алууга жана өзүнө кам көрүүгө убактысы жок болуп жүргөндүр. Сиздин белегиңиз ага мындай мүмкүнчүлүктү бере алат. Мисалы, массажерду, үй шартында СПА үчүн керектүүлөрдү, же үй-бүлөңүз менен чогуу эс алуу үчүн кызыктуу стол үстүндөгү оюндарды тандап алсаңыз болот.
Кыязы, эми жакындарыңыздын көбүнө, досторго жана тааныштарга эмне белек бериш керектиги айкын болуп калды. Бирок эч нерседен кем эмес, баары жетиштүү адамдарга эмнелерди тартууласаңыз болот? Мында майрамдык маанайды сезүүгө жардам берген белектер жардамга келет. Кышкы жана жаңы жылдык даамдар менен чай жыйнагы, таттуу белек, жайлуу жууркан жана даамдуу кофе — мунун баары сиздин фантазияңызга жараша болот.
Белекти тандап алып жатканда предметтин өзү гана албастан, аны жекелештиргениңиз да маанилүү. Бул адам үчүн эмнелер маанилүү болгонун ойлонуп көрүңүз, сиз ага белекти кантип тапшырасыз, кандай каалоо-тилектер менен коштойсуз — мунун баары маанилүү. Эгерде белекти жеке жана эмоционалдуу кылгыңыз келсе, ачык катка каалоолорду кол менен жазып, же оюп түшүргөнүңүз оң болот.
Акыркы маанилүү чоо-жайы — бул таңгак, себеби белектин кооздолгону кереметти күткөн маанайды жаратат. Бул үчүн атайын таңгактоочу кагаз же кооз кутучалар керек. Декорация үчүн карагайдын бутактары, кургатылган апельсин же корица таякчалары колдонулса, майрамдык маанайды да кошо тартуулаган болосуз. Чакан жаңы жылдык гүлдестелерди жасап, алар менен белектерди кооздоп койсоңуз болот, же мунун баарын кутунун ичин толтуруу үчүн колдоно аласыз.
Жакындарыңызга жаңы жылдык белекти тандап жатканда, көңүл буруп, камкордугуңузду көрсөтүү маанилүү экендигин унутпаңыз. Алтургай, чакан, бирок кылдаттык менен тандалып алган белек сиздин сүйүүңүздү жана урмат-сыйыңызды билдире алат. Ozon менен белектерди тандоо процесси бир топ жеңилирээк жана жагымдуу болот, себеби бул жерде сиз ыңгайлуу фильтрлердин жардамы менен керектүү нерселердин бардыгын таба аласыз жана андан кийин буйрутманы ыңгайлуу убакта алып кете аласыз. Буйрутмаңызды Ozon’дун брендделген пункттарынан, «Кыргыз Почтасынын» почта бөлүмдөрүнөн же курьердик жеткирүү аркылуу алдыртсаңыз болот.
