«Ала-Тоо» аянтындагы жаңы жылдык башкы балаты жандырылды. Иш-чарада Бишкек шаарынын мэри Айбек Жунушалиев шаардыктарды жана конокторду келе жаткан жаңы жылы менен куттуктады.
Майрамдын коноктору үчүн кызыктуу көңүл ачуучу программа даярдалды. Сахнада Кыргызстандын белгилүү артисттери: Гүлзинат Суранчиева, Аваз Акимов, Айдана Дека, Арсен, Кудайберди Айтбосунов, “Тамга” тобу, Шухрат Якубов, Нурмат Садыров, Айгерим Расул кызы, Сыймык Бейшекеев, Айганыш Абдиева, Абир Касенов, Сайкал Садыбакова жана Айар өз өнөрлөрүн тартуулашты.
Быйыл Ала-Тоо аянты өзгөчө кооздолгон. Жарандардын ынгайлуулугу үчүн сейилдөөчү аянт кеңейтилип, ар бир адам эс ала тургандай эс алуучу жайлар көбөйдү.
Ал эми балатынын бийиктиги 32, диаметри 13 метрге жетет. Ошондой эле аянтта чоң сейилдөөчү зона пайда болот. Мында толук кандуу жаңы жылдык шаарча түзүлөт. Аймакты жасалгалоого 1,5 млн сомго жакын акча каражаты бөлүнгөн.
