Автогаз боюнча абал жакынкы жумада чечилет. Бул тууралуу Нефтетрейдерлер ассоциациясынын президенти Канатбек Эшатов Биринчи радиого билдирди.
Анын айтымында, бүгүнкү күндө май куюучу жайларда газдын тартыштыгы байкалууда. Бирок күйүүчү майдын бул түрүнүн белгилүү бир көлөмү Кыргызстанга келип жатат. Кыргыз Республикасына арналган анын басымдуу бөлүгү жолдо, Казакстандын аймагында.
«Акыркы он күндө тартыштык пайда болду, жакынкы аралыкта абал турукташат. Биздин өлкөдө гана эмес, бүткүл региондо — Казакстанда, Өзбекстанда, Тажикстанда жетишсиздик бар. Бизде газдын тартыштыгы аймактарда жок, бул Бишкекте гана», — деди Канатбек Эшатов жана россиялык компанияларда темир жол кыймылдуу составы жана автогаз ташуу үчүн цистерналар бир аз тартыш болгонун эске салды.
