Атайын кызмат Жогорку Кеңештин мурдагы депутаты Канат Исаевди кармады. Маалыматты 24.kg басылмасына күч түзүмдөрүндөгү булак тастыктады.
Маалыматка ылайык, экс-депутат 20-ноябрда кармалган. Кандай жагдайда азырынча так тактала элек.
Эске салсак, 2017-жылдын сентябрь айында президенттик шайлоонун алдында Канат Исаев бийликти күч менен басып алуу аракети боюнча козголгон кылмыш ишинде айыпталуучу катары жарыяланган. 2019-жылдын апрель айында сотко чейинки өндүрүш токтотулган.
Аны менен бирге бул иш боюнча Бишкектин Биринчи Май району боюнча Салык кызматынын кызматкери Рамис Жунусалиев жана Чүй облусунун Сокулук районундагы Гавриловка айылынын айыл өкмөтүнүн мурдагы башчысы Дениз Райымкулов да болгон. Кийинчерээк баарынын жазасы үй камагына алмаштырылган.
2022-жылы Канат Исаев башка оппозициялык саясатчылар жана жарандык активисттер менен бирге Кемпир-Абад суу сактагычын колдоо комитетине мүчө болгон. Андан кийин экс-депутат кармалган. Ошондо иш кайра жанданганы белгилүү болгон.
