Мейкин сынагын уюштуруу комитети арыздар 1-октябрга чейин кабыл алынарын эскертет. Бул тууралуу президенттик аппараттын басма сөз кызматынын жетекчиси Дайырбек Орунбеков билдирди.
Анын айтымында, жеңүүчүлөрдү 11 адамдан турган комиссия, анын ичинде 9 көз карандысыз ЖМК өкүлдөрү аныктайт.
Эске сала кетсек, «Мейкин» сыйлыгы журналисттерди жана түрдүү тармактардагы чыгармачыл топторду колдоо максатында түзүлгөн. Байге фонду 10 миллион сомду түзүп, он номинациянын ар бирине 1 миллиондон берилет. Сынактын материалдары 2024-жылдын 1-январынан 1-октябрына чейин даярдалышы керек.
Сынакка материалдар 10 номинация боюнча кабыл алынат:
Бир эл — бир түндүк;
Керемет Кыргызстан;
Салык — өнүгүүгө салым;
Таза Мекен;
Билим — келечек;
Куттуу элет;
Мекен жана мен;
Мекендештер;
Кыргызстанда чыгарылган (Made in KG);
Сергек жашоо.
Жеңүүчүлөр 7-ноябрь Маалымат жана басма сөз күнүндө аныкталат.
