Жогорку Кеңештин жыйынында депутат Жанарбек Акаев кесиптеши Гүлкан Молдобекованын («Альянс» фракциясы) иш бөлмөсүндөгү тинтүү боюнча билдирүү жасады.
Анын айтымында, издөө иштери Молдобекованын ишмердүүлүгүнө тиешеси жок.
«Издөөнүн себеби ага эч кандай тиешеси жок. Укук коргоо органдарынын депутатка эч кандай дооматы жана суроосу жок», — деди ал.
Эскерте кетсек, бүгүн, 12-сентябрда УКМКнын кызматкерлери депутаттын парламенттеги иш бөлмөсүн тинтүүгө алышкан. Эл өкүлүнүн орун басарларынын жардамчылары кармалды. Гүлкан Молдобекова өзү өлкөдө эмес, командировкада экендиги айтылды.
