Бишкектеги № 26 мектепте иштен кеткен мугалимдердин саны 29га жетти. Бул тууралуу 24.kg агенттигине борбор калаанын билим берүү башкармалыгынан билдиришти.
Буга чейин 2024-жылдын 9-июлунан 19-августуна чейин 18 мугалим, анын ичинде гимназия компонентине лицензиянын мөөнөтү аяктагандан кийин кошумча чет тилин окутуу мүмкүнчүлүгүн жоготкондугуна байланыштуу жумуштан кеткени белгилүү болгон.
«Мугалимдердин баары өз каалоосу менен кетишкен. Себептери ар кандай, анын ичинде чет өлкөгө чыгуу, карылык, жеке менчик мектепке өтүү жана башкалар», — деп белгилешти ведомстводон.
Мындан тышкары, No26 башталгыч мектеп мурдагы муниципалдык бала бакчанын имаратын бошотуп, штат кыскаргандыктан, техникалык кызматкерлердин ичинен бир нече адам жумуштан кеткен.
