Азат Козубеков Кыргызстандын Улуттук банкынын төрагасынын орун басары болду. Бул тууралуу мамлекет башчынын басма сөз кызматы билдирди.
Маалыматка ылайык, президент Садыр Жапаров кол койгон тескемеге ылайык, КР Конституциясынын 70-беренесинин 5-бөлүгүнүн 2-пунктуна, 71-беренесине, «Кыргыз Республикасынын Улуттук банкы жөнүндө» Кыргыз Республикасынын конституциялык Мыйзамынын 60-беренесинин 5-бөлүгүнө ылайык Козубеков Азат Айбекович Улуттук банктын төрагасынын орун басары болуп дайындалды.
Фото Интернеттен алынды
Азат Козубеков 37 жашта. Буга чейин ал Кыргыз Республикасынын Улуттук банкынын акча-кредиттик операциялар бөлүмүн жетектеп келген.
