Министрлер кабинетинин төрагасы Акылбек Жапаров Ашхабад шаарында Казакстан Республикасынын премьер-министри Олжас Бектенов менен жолугушту. Бул тууралуу министрлер кабинеттинин басма сөз кызматы билдирди.
Жолугушуу бүгүн, 24-майда өтө турган КМШ өлкөлөрүнүн Өкмөт башчыларынын кеңешинин кезектеги жыйынына катышуунун алкагында болуп өттү. Жолугушууда министрлер кабинетинин башчысы жыл башынан бери кыргыз-казак мамилелеринде жигердүү өз ара аракеттенүү байкалганын белгиледи.
«Апрель айында Бишкекке болгон жумушчу сапарыңыздын алкагында сиз экөөбүз эки тараптуу кызматташуунун бардык спектри боюнча деталдуу сүйлөшүүлөрдү жүргүздүк жана 18-19-апрелде КР президенти Садыр Жапаровдун Кыргызстанга расмий сапары болду. Казакстан , ошондой эле Жогорку мамлекеттер аралык кеңештин 6-жыйыны ийгиликтүү өттү», — деди Акылбек Жапаров.
Ошондой эле министрлер кабинетинин башчысы эки өлкө жетекчилиги алдыга койгон максаттарга жетүү үчүн өлкөлөр ортосундагы күн тартибинде турган инвестициялык жана башка долбоорлорду өз убагында ишке ашыруу үчүн бардык күч-аракеттерди жумшоо зарыл экенин белгиледи.
Өз кезегинде Казакстандын премьер-министри Олжас Бектенов:
«Биздин мамилелерибиздин маанилүү стратегиялык компоненти соода-экономикалык вектор болуп саналат. Биз бул позитивдүү динамиканы сактап, мамлекет башчылары белгилеген жаңы максатка, соода жүгүртүүнүн көлөмүн 3 млрд долларга жеткирүү үчүн ишти активдештирүүбүз керек»
Олжас Бектенов
— деп белгиледи.
Жолугушуунун соңунда Акылбек Жапаров кесиптешин 2024-жылдын 10-11-июнунда Вена шаарында Дүйнөлүк банктын колдоосу жана Австрия өкмөтүнүн көмөгү менен өтө турган Эл аралык энергетикалык инвестициялык форумга чакырды.
Ошондой эле тарапта, Кыргызстан менен Казакстандын ортосундагы стратегиялык өнөктөштүк жана союздаштык мамилелердин духундагы кызматташуу, мындан ары да прогрессивдүү өнүгөөрүнө ишеним артышты.
