Кытайда кыргызстандык он баланын жүрөгүнө ийгиликтүү операция жасалды. Бул тууралуу Тышкы иштер министрлиги билдирди.
Маалыматка ылайык, дарылоо Кытайдын Хэнань провинциясында Көкүрөк хирургиясы ооруканасында жүргүзүлгөн.
Бул «Эне-балага тирек» фонду менен Хэнань провинциясынын Көкүрөк хирургиясы ооруканасынын, ошондой эле Кыргызстандын Кытайдагы элчилигинин кызматташтыгынын жана биргелешкен ишинин натыйжасында аткарылды.
Кытайдагы элчи Актилек Мусаева Кыргызстандын биринчи айымы, «Эне-балага тирек» фондунун жетекчиси Айгүл Жапарованын атынан Хэнань провинциясынын өкмөтүнө жана оорукананын жетекчилигине кыргызстандык балдарга акысыз операция уюштургандыгы жана жүргүзгөндүгү үчүн ыраазычылык билдирди.
Буга чейин социалдык тармактагы Кыргызстандын биринчи айымынын баракчасында жыл сайын оор жүрөк кемтиги менен ооруган кыргызстандык 10 балага Кытайда операция жасалаары кабарланган.
