Президент Садыр Жапаров бүгүн бир күндүк иш сапары менен Жалал-Абад облусуна барат. Бул тууралуу анын басма сөз катчысы Аскат Алагөзов Facebook баракчасында билдирди.
Өлкө башчысы бир катар социалдык объектилердин ачылыш аземине катышат, ошондой эле Мамлекеттик ипотекалык компаниянын алкагында көп кабаттуу турак үйлөрдүн курулушунун жүрүшү менен таанышат.
