Кыргызстандын Улуттук банкы апрель айында биринчи жолу интервенция менен валюта рыногуна чыкты. Бул тууралуу Улуттук банктын сайтында кабарланды.
Улуттук банк валюта рыногунан жалпысынан 17,1 миллион доллар сатып алды.
Эскерте кетсек, Улуттук банк валюта рыногундагы абалды турукташтыруу жана курстун кескин көтөрүлүшүнө жол бербөө үчүн интервенция жасап турат.
