Кыргыз-кытай мамлекеттик чек ара тилкесинде жайгашкан «Торугарт» жана «Эркечтам» өткөрмө бекеттери 10-февралдан 12-февралга чейин жабык болот. Бул жөнүндө УКМКнын Чек ара кызматынын маалымат жана коммуникация башкармалыгы билдирди.
Маалыматка ылайык, өткөрмө пункттар кытай тараптын демилгеси менен КЭРдеги жаз майрамына байланыштуу убактылуу иштебейт.
«Эркечтам-автожол» жана «Торугарт-автожол» өткөрүү жайлары аркылуу адамдарды, транспорт каражаттарын жана жүктөрдү өткөрүү 13-февралдан баштап жанданат», — деп белгиледи Чек ара кызматы.
