«Чек талап кылып, байге утуп ал!» кызыктыруучу лотереясынын байгелерин ойнотуу башталды. Бул тууралуу Салык кызматы билдирди.
Утуш 30-декабрга чейин улантылат. 25-декабрдан 30-декабрга чейин 521 iPhone 14, 519 смартфон, 158 ноутбук жана Dyson маркасындагы 21 фен ойнотулат.
Утуштар Салык кызматынын Facebook жана YouTube баракчаларынан түз эфирде көрсөтүлөт. Башталышы 13.00дө.
Ал эми 30-декабрда 10 батирдин, 11 электромобилдин жана чет өлкөгө 4 жолдомонун жеңүүчүлөрү аныкталат.
Утуштар саат 15.00дө УТРК жана Ала-Тоо24 каналдарында, ошондой эле Салык кызматынын Facebook жана YouTube баракчаларында түз эфирде өтөт.
