Ош облусунда курал-жаракты этиятсыздык менен колдонуудан улам аскер кызматкери каза болду. Бул тууралуу УКМКнын Чек ара кызматынын маалымат жана коммуникация башкармалыгынан билдиришти.
Алдын ала маалыматтар боюнча, кечээ армияда кызмат өтөп жүргөн 18 жаштагы аскер АК-74 автоматынан кокустан өзүн атып алган.
«Медициналык жардам көрсөтүү боюнча бардык аракеттерге карабастан, аскер алган жаракатынан улам көз жумду. Окуя жерине келген медицина кызматкерлери анын каза болгонун тактыкташты», — деп билдиришти мекемеден.
Окуя болгон жерде тергөө иштери жүрүп жатат.
