Бишкекте фехтование боюнча Кыргызстандын чемпионаты өттү. Бул тууралуу дене тарбия жана спорт департаменти билдирди.
Мелдешке өлкөнүн бардык региондорунан 50дөн ашык спортчу катышып, жеңүүчүлөргө диплом жана медалдар тапшырылды.
Биринчи орунду Камила Абдылхамитова жана Жоодат Эсеналиев ээледи.
Экинчи орунду кыз-келиндер арасында Алия Мамырова, үчүнчүнү Мария Перелюбская жана Екатерина Геттуева алды.
Эркектер арасында күмүш медалды Илим Бакытбек уулу, колону Назар Маткеримов менен Данышман Жумабай уулу тагынды.
