Жогорку Кеңештин жыйынында депутат Мирлан Самыйкожо Конституциянын тексттин кайра карап чыгууну сунуштады.
Депутат Баш мыйзамга өзгөртүүлөр бир да жолу кыргыз тилинде жазылбаганын, ар дайым орусчадан которулгандыктан каталар жол берилгенин белгиледи.
Анын айтымында, өлкөдөгү көптөгөн көйгөйлөрдүн башаты — Конституция.
«Баш мыйзам популисттик, алешемдик менен шашылыш жазылып калганы сокурга көз бүткөндөй көрүнүп турат. Бүгүн Конституцияны аттап, тебелеп-тепсеп ар кандай түшүнүктөргө өтүп кетип атабыз. Баш мыйзамыбызды кайрадан редакциялап чыкмайынча алдыда дагы көп тарткылыгыбыз бар», — деди Мирлан Самыйкожо.
