Ырчы Асел Кадырбекованын автокырсыктан кийинки биринчи маеги жарыяланды. Анда ал саламаттыгы, үй-бүлөсү жөнүндө айтып берген.
Анын айтымында, кырсыктан кийин бир топко чейин өзүнө келе албай, жада калса кызын да тааныбай жүргөн.
Нурлан Насип менен эки ажырым жолго түшкөн мезгилди — эң оор күн катары эстейт.
«Нурланга ыраазымын, анын үй-бүлөсүнө дагы ракмат. Балким мен ошол учурда көп капа кылып, көп кыйнадым. Жаман сөз айттым», — дейт Асел Кадырбекова.
Эске сала кетсек, Асел Кадырбекова 2020-жылдын 26-июнунда жол кырсыгына кабылып, оор абалда ооруканага түшкөн. Бишкек шаарындагы Травматология жана ортопедия илим изилдөө борборунун жетекчиси Сабырбек Жумабековдун маалыматында, моюн омурткасы, акыреги сынып, башынан жаракат алган.
