Бишкектин аймактык шайлоо комиссиясы ордо калаабыздын мэрине талапкерлердин документтерин кабыл алды. Бул тууралуу Боршаком билдирди.
Маалыматка ылайык, бүгүн тийешелүү документтерин Айбек Жунушалиев тапшырды. Анын талапкерлигин министрлер кабинетинин төрагасы Улукбек Марипов менен шаардык кеңештин көпчүлүк коалициясы жактырды.
Мэрди шайлоо 26-августта өтөт.
Буга чейин Айбек Жунушалиев министрлер кабинетинин төрагасынын биринчи орун басары болуп иштеген. Өткөн аптада аны мэрдин милдетин аткаруучу кылып дайындашты.
