Жогорку Кеңештин социалдык маселелер боюнча комитети Саламаттыкты сактоо министри Алымкадыр Бейшеналиевди кызматтан алуу сунушун колдоду. Бул тууралуу чечим бүгүнкү жыйында кабыл алынды.
Депутат Жанар Акаев Алымкадыр Бейшеналиевге ишенбестик көрсөтүүнү жана анын ордуна компетенттүү жетекчи дайындоону сунуштады.
«Министр уу коргошун менен дарыланууну үгүттөп жатат. Бизде эмне дарыгерлер жокпу? Дүйнөдө өзүнүн орду бар кыргыз медицинасын министр бир заматта жокко чыгарып жатат», — деди депутат.
Белгилей кетсек, Алымкадыр Бейшеналиев түз эфирде уу коргошун ичип, анын коронавируска чалдыккан бейтаптарга дагы берилгенин айткан.
