11:16
USD 81.80
EUR 95.48
RUB 1.03

Россия Кыргызстанга каржылык колдоосун убактылуу токтотту

Россия Кыргызстанга каржылык колдоо көрсөтүүнү убактылуу токтото туруу чечимин кабыл алды. Бул тууралуу РБК Россиянын Каржы министрлигиндеги булактарга таянып билдирди.

Маалыматка ылайык, мындай чечим өлкөдөгү кырдаалдан улам кабыл алынган.

«Россия Кыргызстандагы саясий кырдаал турукташып, бийлик органдары толук иштегиче каржылык колдоо көрсөтпөй туруу чечимин кабыл алды», — деп айтылат маалыматта.

Эске салсак, 2019-жылы Россия Кыргызстанга кайтарымсыз 30 миллион доллар бөлгөн. 2005-жылдан бери өнөктөш мамлекет Кыргызстандын 700 миллион доллардан ашык карызын кечкен. (2018-жылдын февраль айында толугу менен карызын жойгон) 2012-жылы Москва Бишкекке 250 миллион доллардан ашык өлчөмдө кайтарымсыз грант берген.

5-октябрда Ала-Тоо аянтында парламенттик шайлоонун жыйынтыгына нааразы болгондор митинг өткөргөн. Кийинчерээк чогулгандар Ак үйдү басып алууга аракет кылып, жыйынтыгында милиция менен митингчилер кагылышып, миңден ашык адам жабыркап, бир киши набыт болду.

Эң көп окулган жаңылыктар