Ноябрдан тарта Сауд Арабия умрага зыяратчыларды кабыл ала баштайт. Бул тууралуу Саудиянын Кабар агенттигине таянып муфтият билдирди.
Маалыматка караганда, 4-октябрдан баштап умра жана Аль-Харам мечитине баруудагы чектөөлөрдү акырындап алып салуу иши башталат.
Алгач Сауд Арабиянын жашоочуларына умра кылууга уруксат берилет, бирок күнүнө 6 миң адамдан ашпоосу талап кылынат. 18-октябрдан тарта адам саны 15 миңге көбөйөт.
1-ноябрдан тарта өлкөнүн эпидемиологиялык абалына жараша чет элдик жарандар дагы умрага барууга жол ачылат.
