Вирустан каза болгон 18 медкызматкердин үй-бүлөсүнө кенемте төлөндү. Бул туууралуу республикалык штаб маалымдайт.
Алардын айтымында, жумуш учурунда каза болгон медкызматкерлерге 1 миллион сом өлчөмүндө кенемте төлөп берүү үчүн атайын комиссия иштеп жатат.
Бүгүнкү күндө, коронавирустан каза богон 18 медкызматкердин үй-бүлөлөрүнө акча каражаты төлөнүп берилген. Мындан сырткары, дагы 34 учур иликтенүүдө.
Жумуш учурунда вируска чалдыккан медкызматкерлерден дагы кенемте алуу үчүн арыздар келип түштү. Саламаттыкты сактоо министрлигинин маалыматында, Ош облусунан 113 документ, Талас облусунан — 33, Чүй облусунан — 337, Баткен облусунан — 25, Нарын облусунан — 35, Ысык-Көл облусунан — 48 арыз берилди.
Вирус жуктургандарга 200 миң сомдон төлөнөт.
